* تغريد الأحبة *

لو غرَّدتْ بعدك طيورٍ كثيره
             ما يسعد القلب المولّع   شداها
صوتك عصافيره بسمعي أسيره
             يبعد  جروح القلب عمّا عناها
إنته صباح بْدنيتي أستنيره
            روحي   أنا  ويّاك تلقى   هناها
زهرك حبيبي في فؤادي عبيره
            ما غيرك  زْهورٍ بروحي  شذاها
في غيبتك كنّي أعيش بْجزيره
           خايف من الطوفان وامواج ماها
لو سافرت دنياي انا أيّ ديره
          قدّامي  عْيونك  بأرضي   وْسماها
شوقك بقلبي ما أقاومْ سعيره
          حبي  لك  اوصافه  تعدّت مداها
أدري بترجع والليالي منيره
         تجمع  من  اشواقي  حنانٍ كساها
ما غير غرّد ياطيورٍ كثيره
        اتجمّعت  فيك   الغناوي   شداها