قلبي عزيزٍ لاعشق يبقى عزيز
ماهو من اللي لاعشق أصبح ذليل
عزي سبق حبي ولايمكن يحيد
أختار عزي قبل حب المستحيل
الصبح لو ما الشمس مايبقى صباح
والليل لوما الصبح ضيعنا الدليل
والصورة اللي ماتعلّقْ في جدار
محدٍ درى عنها ولا عنها مقيل
ابشر بحبٍ يذكره كل من هوى
لكن عز النفس مَرْضاله بديل
وان كان ترضى لي هوان يْصيبني
ماظن قلبك من هواي اصبح خميل
بعض الهوى يرفع مقامك للسما
وبعض الهوى تنزل معه دون القليل
ماقول تبقى لي مثل عبد ذليل
ولا لي لتجريح الكرامة أيّ ميل
من عزتك عزي وانت تعزني
ومن عزتي عزك ولاعنها سبيل
ومو مستحيل اني أجي لك من هواي
أسابق رياحي وقلبي لك أشيل
لكني أبقى واقفٍ مثل الجبال
مَحْني أبد راسي ولا راسي يميل
وماراح أبوس الراس لجل تحبني
ولا هواي تبوس راسي ياجهيل
ودي تعرف الحب يللي تجهله
الحب عز اثنين خلٍ مع خليل
الحب أخْذٍ معْ عطا ياصاحبي
مايستوي هالحب من واحد بخيل
ليست هناك تعليقات:
إرسال تعليق